|
Skeið verður upprætta eftir tørvi. Set teg í samband við Trygdarmiðstøðina
Skeiðið lýkur ásetingarnar í STCW 95 A-VI/2-2.
Málbólkur: Manning til MOB/FRC umborð á skipum
Átekning: STCW 95 A-VI/2-2
Upptøkutreytir:
Galdandi heilsuváttan fyri sjófólk
Staðið Trygdarskeið fyri sjófólk
Staðið Bátaføraraskeið
Endamál:
At geva skeiðluttakarum førleika til at taka ræði á
skjóttsiglandi bjargingarbáti, undir og eftir útseting og
at handfara motor í skjóttsiglandi bjargingarbáti
Mál fyri skeiðið:
Luttakarnir fáa vitan um:
- Konstruktión og útgerð í skjóttsiglandi bjargingarbátum og einstøku lutirnar í útgerð
- Serlig eyðkenni og hentleikar í skjóttsiglandi bjargingarbátum
- Trygdartiltøk meðan skjóttsiglandi bjargingarbátur verður settur út og tikin inn
- Mannagongdir til at rætta upp kollsilgdan skjóttsiglandi bjargingarbát
- Handfaring av skjóttsiglandi bjargingarbáti undir vanligum og óvanligum líkindum
- Navigatiónsútgerð og trygdarútgerð í skjóttsiglandi bjargingarbátum
- Leitimynstur og viðurskift í umhvørvinum sum kunnu ávirka leiting
- Meting av tilbúgvingarstøðu hjá skjóttsiglandi bjargingarbátum og viðkomandi útgerð til nýtslu alt fyri eitt
- Hættir at seta í gongd og handfara motor við tilhoyri í skjóttsiglandi bjargingarbáti
Tá skeiðið er ligugt skulu luttakarnir duga at:
- Skipa trygga útseting og upptøku av skjóttsiglandi bjargingarbáti
- Rætta upp kollsilgdan skjóttsiglandi bjargingarbát
- Handfara skjóttsiglandi bjargingarbát í vanaligum líkindum
- Svimja ílætin serútgerð
- Brúka samskiftisútgerð og signalútgerð millum skjóttsiglandi bjargingarbát , tyrlu og skip
- Brúka neyðútgerðina umborð
- Taka upp neyðstaddan úr sjónum og flyta neyðstadda til bjargingartyrlu, skip ella trygt stað
- Fremja í verki leitimynstur, við atliti til viðurskifti í umhvørvinum
- Seta í gongd og handfara motor í skjóttsiglandi bjargingarbát
Skeiðslongd: 3 dagar
Kostnaður: 5.000 Kr Íroknað morgunmat, døgurað og kaffi
Gyldistíð: 5 ár
Skeiðstaður: Trygdarmiðstøðin Bøgøta 38 Klaksvík
|
Skjóttsiglandi Bjargingarbátur
